لا طبعاً، العكس هو الصحيح تبلور العسل أو إنه يسكر ويجمد في الشتاء أو مع البرودة ده دليل قاطع على إنه عسل طبيعي ، ومش متعرض لأي درجات حرارة عالية تفقده فوايده عشان يفضل سايل. تقدر ترجعه لحالته السائلة بسهولة عن طريق حمام مياه دافي بسيط، وهيرجع زي ما كان بالظبط.

العسل الطبيعي مؤشره الجلايسيمي أقل من السكر الأبيض بكتير، يعني ما بيرفعش سكر الدم بنفس السرعة بالإضافة لفوائده العظيمة. لكنه في النهاية بيحتوي على سكريات طبيعية، عشان كده دايما بننصح مرضى السكر يستشيروا الطبيب المعالج لتحديد الكمية اليومية المسموحة ليهم عشان يستفيدوا منه بأمان تام.

ده من أشهر المفاهيم الغلط العسل هو رحيق زهور طبيعي النحلة بتجمعه وتمتصه، وبتضيف عليه إنزيمات مفيدة جداً في معدتها ودي معدة مخصصة للعسل بس غير معدة الهضم الخاصة بيها، وبعدين بتخرجه وتخزنه في الخلايا ، يعني هو منتج طبيعي ونقي 100% ومفيش أي علاقة بينه وبين الفضلات.

كل نوع عسل بياخد فوايده من الزهرة اللي النحل اتغذى عليها ، مثلاً عسل الموالح غير عسل حبة البركة والأعشاب غير عسل السدر اللي بيعتبر صيدلية متكاملة ، و في أترجة بنوفرلك تنوع يناسب كل احتياجاتك الصحية واليومية.

اللون بيعتمد على نوع الزهرة وموسم القطف العسل الفاتح زي البرسيم والموالح بيكون طعمه خفيف ومسكر أكثر، وممتاز جداً للتحلية اليومية. أما العسل الغامق زي الزعتر وحبة البركة فبيكون غني أكثر بالمعادن ومضادات الأكسدة، وطعمه بيكون أقوى ، وعشان كده دائماً بترشحه للأغراض العلاجية وتقوية المناعة.

أيوه، ده بيحصل كتير ومفيش منه أي قلق خالص لأن اللون الدقيق للعسل بيتحدد بناءًا على موسم قطف العسل فممكن يكون في أحد المواسم أفتح أو أغمق شوية من اللون اللي متعودين عليه ، وأيضاً لأن النحل عندما يتغذى على الرحيق ممكن يدخل نسبة بسيطة من رحيق بعض الأزهار المختلفة ودا كمان بيأثر على اللون بنسبة بسيطة ، والعسل بيكون أفتح ما يمكن في وقت قطفه وبيبدأ يغمق تدريجيا مع مرور الوقت.

ممكن يتغير لأسباب مختلفة أشهرها هو الرطوبة ، العسل بطبيعته مادة "محبة للماء" (يعني بتمتص الرطوبة من الجو بسهولة جداً ، لو عبوة العسل اتسابت مفتوحة فترة طويلة في مكان رطب، أو لو استخدمنا معلقة مبللة وإحنا بناخد منه العسل بيمتص الماية دي وده بيعمل حاجتين:

• القوام بيخف: هتلاقي العسل فقد قوامه المتماسك والتقيل المعتاد، وبقى سايل وخفيف أكثر من الطبيعي.
• خطر التخمر: ودي المشكلة الأكبر ، العسل الطبيعي بيحتفظ بصلاحيته عشان نسبة الرطوبة فيه قليلة جداً. لو نسبة الماية زادت فيه بسبب الرطوبة أو معلقة مبللة بيبدأ يحصل فيه عملية "تخمر"، وطعمه بيحمض، ريحته بتتغير، وممكن يظهر على وشه فقاعات وساعتها بيكون للأسف باظ وفقد جودته.

نصيحتنا دائماً في أترجة: اقفل برطمان العسل كويس جداً بعد كل استخدام، احفظه في مكان جاف في درجة حرارة الغرفة العادية)، والأهم.. دايماً استخدم معلقة ناشفة ونظيفة تماماً وإنت بتاخد منه عشان تضمن إنه يفضل محتفظ بأعلى جودة وقوام وطعم الآخر نقطة!

طبياً وعالمياً، العسل أمن جداً ومفيد جداً للأطفال، لكن بعد ما يكملوا سنة كاملة قبل عمر السنة، جهاز الطفل الهضمي مبيكونش مكتمل كفاية للتعامل مع بعض البكتيريا الطبيعية النافعة اللي ممكن تكون موجودة في العسل الخام.

العسل الطبيعي بديل صحي جداً للسكر ومليان فيتامينات ومعادن والميزة إن معلقة العسل بتدي تحلية أقوى من معلقة السكر، فبالتالي هتستخدم كمية أقل لكن العسل لسه فيه سعرات حرارية كبيرة ، فلو هتستخدمه في الدايت كبديل للسكر ، لازم يكون استخدامك "باعتدال" وضمن سعراتك اليومية.

دي من أشهر الإشاعات ، إضافة العسل للمشروبات السخنة مش بتلغي فوايده بصورة كبيرة زي ما ناس كتير متخيلة ، العسل الطبيعي مليان معادن أساسية ومضادات أكسدة قوية جداً بتفضل محتفظة بقيمتها وما بتتكسرش بسهولة مع الحرارة الغير مرتفع جدا ، ده غير تأثيره الفعال جداً في تهدئة الزور وتخفيف الكحة مع المشروبات دي ، الحاجة الوحيدة اللي ممكن تتأثر لو الماية "بتغلي" هي بعض الإنزيمات الدقيقة، لكن القيمة الغذائية الأساسية الفيتامينات، والطاقة اللي بيديها للجسم بتفضل موجودة بنسبة كبيرة ، تقدر تستمتع بكوباية الشاي أو الليمون بتاعتك متحلية بعسل أترجة وإنت مطمن تماماً إنك بتاخد بديل صحي مفيد وأفضل من السكر بمراحل.